തൻ്റെ ഓരോ ചിത്രത്തിലും പുതുമ കൊണ്ടുവരാൻ ആഗ്രഹിക്കുന്ന സംവിധായകനാണ് എബ്രിഡ് ഷൈൻ. '1983' മുതൽ 'മഹാവീര്യർ' വരെ എത്തിനിൽക്കുന്ന ആ വ്യത്യസ്തതയുടെ പുതിയ അധ്യായമാണ് 'സ്പാ'. ഇപ്പോഴിതാ ചിത്രത്തിന് എ സർട്ടിഫിക്കറ്റ് കിട്ടിയ വിവരമാണ് പുറത്ത് വരുന്നത്. ആദ്യമായാണ് ഒരു എബ്രിഡ് ഷൈൻ ചിത്രത്തിന് എ സർട്ടിഫിക്കറ്റ് കിട്ടുന്നത്.

ഒരു സ്പാ സെന്ററിനെ കേന്ദ്രമാക്കിയാണ് ചിത്രത്തിന്റെ കഥ പോകുന്നത്. അവിടെയെത്തുന്ന ആൾക്കാരും അവരുമായി ബന്ധപ്പെട്ട കാര്യങ്ങളും രസകരമായി കോർത്തിണക്കി പ്രേക്ഷകർക്ക് മുന്നിലെത്തിക്കുകയാണ് എബ്രിഡ് ഷൈൻ.

18 വയസ്സ് കഴിഞ്ഞ എല്ലാവർക്കും ആസ്വദിക്കാൻ പറ്റുന്ന രീതിയിൽ കോമഡിക്ക് ഏറെ പ്രാധാന്യം കൊടുത്താണ് തന്റെ ചിത്രം പ്രേക്ഷകർക്ക് മുൻപിലെത്തുക എന്ന് സംവിധായകൻ പറയുന്നു. ഫെബ്രുവരി 12ന് ചിത്രം തീയേറ്ററുകളിലെത്തും.

സിദ്ധാർത്ഥ് ഭരതൻ, വിനീത് തട്ടിൽ, പ്രശാന്ത് അലക്‌സാണ്ടർ, മേജർ രവി,വിജയ് മേനോൻ, ദിനേശ് പ്രഭാകർ,  അശ്വിൻ കുമാർ, ശ്രീകാന്ത് മുരളി, കിച്ചു ടെല്ലസ് മേജർ രവി, ജോജി കെ ജോൺ, സജിമോൻ പാറയിൽ, എബി, ഫെബി, മാസ്‌ക് മാൻ, ശ്രുതി മേനോൻ, രാധിക രാധാകൃഷ്ണൻ, ശ്രീജ ദാസ്, പൂജിത മേനോൻ, റിമ ദത്ത, ശ്രീലക്ഷ്മി ഭട്ട്, നീന കുറുപ്പ്, മേഘ തോമസ് എന്നിവരാണ് അഭിനേതാക്കൾ.

ചിത്രത്തിന്റെ ഛായാഗ്രഹണം - സ്വരൂപ് ഫിലിപ്പ്, സംഗീതം- ഇഷാൻ ഛബ്ര, വരികൾ- ബി.കെ. ഹരിനാരായണൻ, സന്തോഷ് വർമ്മ, ആനന്ദ് ശ്രീരാജ്, എഡിറ്റർ- മനോജ്, ഫൈനൽ മിക്സ്- എം.ആർ. രാജകൃഷ്ണൻ, സൗണ്ട് ഡിസൈൻ ആൻഡ് സൗണ്ട് എഡിറ്റ്- ശ്രീ ശങ്കർ, പ്രൊഡക്ഷൻ ഡിസൈനർ- ഷിജി പട്ടണം, പ്രൊഡക്ഷൻ കൺട്രോളർ- സഞ്ജു ജെ., കോസ്റ്റ്യൂം ഡിസൈൻ- സുജിത്ത് മട്ടന്നൂർ, മേക്കപ്പ്- പി.വി. ശങ്കർ, സ്റ്റണ്ട്- മാഫിയ ശശി, അസോസിയേറ്റ് ഡയറക്ടർ- ആർച്ച എസ്. പാറയിൽ, ഡി.ഐ. ആക്ഷൻ ഫ്രെയിംസ് മീഡിയ, കളറിസ്റ്റ്- സുജിത്ത് സദാശിവൻ, സ്റ്റിൽസ്- നിദാദ് കെ.എൻ., വിഎഫ്എക്സ്- മാർജാര, പി.ആർ.ഒ.- എ.എസ്. ദിനേശ്, മഞ്ജു ഗോപിനാഥ്, പബ്ലിസിറ്റി ഡിസൈൻ- ടെൻ പോയിന്റ്, ഡിജിറ്റൽ മാർക്കറ്റിംഗ്- ഒബ്സ്ക്യൂറ എന്റർടൈൻമെന്റ്.