ഹ്യുണ്ടായിയുടെ കോം‌പാക്റ്റ് എസ്‌യുവി വെന്യുവിന് ഒരു തലമുറ മാറ്റം വരുന്നു. നവംബർ 4 ന് ഇന്ത്യയിൽ പുറത്തിറങ്ങാനിരിക്കുന്ന പുതിയ വെന്യു, കമ്പനിയുടെ മഹാരാഷ്ട്രയിലെ തലേഗാവ് പ്ലാന്റിൽ ഉത്പാദനം ആരംഭിച്ചു.

12.3 ഇഞ്ച് ഇൻഫോടെയ്ൻമെന്റ് ടച്ച്‌സ്‌ക്രീനും 12.3 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേയും അടങ്ങുന്ന  ഡ്യുവൽ സ്‌ക്രീൻ സജ്ജീകരണമാണ് പുതിയ വെന്യുവിലെ ഒരു പ്രധാന പുതുമ.

നിലവിലെ വെന്യുവിന്  ലെവൽ 1 ADAS ലഭിക്കുന്നു, എന്നാൽ അപ്‌ഡേറ്റ് പതിപ്പിൽ ലെവൽ 2 അഡാസ്

വരും, ഇത് അധിക സവിശേഷതകൾ ഉള്ളതാണ്.

മുൻവശത്ത് ഹ്യുണ്ടായിയുടെ ഏറ്റവും പുതിയ എസ്‌യുവി ഡിസൈൻ - ബോൾഡ് തിരശ്ചീന സ്ലാറ്റുകളും ലംബമായ  എൽഇഡി ഹെഡ്‌ലാമ്പുകളും,  വീതിയേറിയതും ചതുരാകൃതിയിലുള്ളതുമായ ഗ്രിൽ. ബോണറ്റിനടുത്ത് സ്ലിം ഡേടൈം റണ്ണിംഗ് ലാമ്പുകൾ.

സിൽവർ-ഫിനിഷ്ഡ് സ്‌കിഡ് പ്ലേറ്റും താഴത്തെ ബമ്പറിനും വീൽ ആർച്ചുകൾക്കും ചുറ്റുമുള്ള കട്ടിയുള്ള ക്ലാഡിംഗും അധിക പരുക്കൻ ലുക്ക് നൽകുന്നു.

കിയ സിറോസുമായും മുൻഭാഗത്തിനു സാമ്യം ഉണ്ട്.

നിലവിലെ പെട്രോൾ, ടർബോ പെട്രോൾ, ഡീസൽ എഞ്ചിനുകൾ തുടരുമെന്ന് പ്രതീക്ഷിക്കുന്നു.

വിലകൾ ഏകദേശം 8 ലക്ഷം രൂപയിൽ തുടങ്ങാം.